ఆత్మధైర్యం

ఉద్దేశం :

   జీవితంలో  ఎదురైయ్యే కొన్ని  సంఘటనలు  మన హృదయాలను  కంపింపచేస్తాయి . అలాంటి  సమయంలో  మనసు నిరాశ ,నిస్పృహలకు  లోనవుతుంది .  అటువంటి సమయంలో వారికీ  గఢాంధకారం  కమ్ముకున్న   ,  వెలుగును వెతుక్కోవచ్చని తెలిపి , వారిని   తిరిగి వారి గమ్యాలవైపు  అడుగులు  వేసేలా  ప్రేరేపించడమే  ఈ  కవిత  యొక్క ముఖ్య  ఉద్దేశం . 

                                         ఆత్మధైర్యం

(img src ="commons.wikimedia.org")

ఆశలన్నీ  ఆకులై
రాలిపోయి  నింగికెగసినా
యత్నాలన్నవి  ఆపబోకు
ఆత్మధైర్యం  వదులుకోకు .

వర్షపుచినుకు  తాకిడితోనే
ఏ  చెటైన  చిగురించెను
భానుడివలె  ప్రకాశించెను
పూలుపళ్ళతో  విల్లివిసిరేను
వృక్షాలన్నింటిలో  శోభిల్లేనని  మర్చిపోకు .

నీ  జననానికి  మునుపే
మొదలైంది  నీ  జీవితమనే  యుద్ధం
కనిపించని  కత్తులతో  , కసరత్తులతో
అంతం  తెలియకుండానే  ఆరంభమైంది  ఈ  యుద్ధం
ఎన్నో  సంఘర్షణల  సంగమమే  నీ  జీవితం .

సుఖం  పొందాలనుకునేవారు  ఎన్నో  సంఘర్షణలను  ఎదుర్కొంటారు .
సంతోషం  పొందాలనుకునేవారు  శాంతిని  పొందుతారు .
కానీ  తనచుట్టు  ఉన్న వారికీ సంతోషాన్ని
అందించాలనుకునేవారు  కాలం  పన్నే వ్యూహాలతో
ఎన్నో  సంఘర్షణలతో  పోరాడాల్సివస్తుంది .
పోరడు పోరాడితే గెలిచేది  నువ్వే
రేపన్నది  నిలిచేది నువ్వేనని  మర్చిపోకు .

భగవంతుడు  ఆడే  ఈ  ఆటలో
కాలమనే  ప్రత్యర్థిని  ఎదుర్కోడానికి

(img src = " thriveglobal.com ")

ఆయన  ప్రశించిన ఆయుధమే  చదువని తెలుసుకో .

నీ  వివేకమనే  దీపంతో
నీ  వారి అంధకారపు  జీవితంలో  వెలుగు  నింపు .

ఆకాశంలోని తారల్లా  ఉండాలని  ప్రయత్నించకు
నీ  పక్కవారి  హృదయంలో  స్థానానికై  ప్రయత్నించు
ఆ  స్థానాలే  నిన్ను  ఆకాశంలో చల్లని  చంద్రునిలా  మారుస్తాయని  తెలుసుకో .

కారుమేఘలు  కమ్ముకున్నంతమాత్రాన
సూర్యుని  వెలుగును  ఆపలేవని  తెలుసుకో .

ఏ  విధంగా  నది  తనమార్గంలోని  మేరుపర్వతాలను సైతం  పెకలించి  వేస్తుందో
ఆ విధంగా  నువ్వు నీ  సమస్యలను  మటుమాయం  చేయాలి .
గఢాంధకారంలో  చిక్కుకున్న  ,  వెలుగును వెతుక్కోవచ్చని  మర్చిపోకు .

నదికి  తన ప్రవాహమే  తన  గుర్తింపు
సూర్యునికి  తన  ప్రకాశమే  తన  గుర్తింపు
పువ్వులకు  తమ  పరిమళమే  తమ  గుర్తింపు

నీకు  నీ జ్ఞానమే  నీ  గుర్తింపని  మర్చిపోకు .

వజ్రాన్ని చేజార్చుకున్నానని  దిగులుచెందకు
అంతకుమించి  విలువైన ముత్యాన్ని  పొందుతానని సంతోషించు .

నీ  అపజయాన్ని  చూసి  కంటతడి పెట్టుకోకు
అపజయానికి  మూలమైన  ములార్దాన్ని తెలుసుకోవడమే  నీ  పరమార్థం .
అది నేర్పిన  పాఠంతో  ముందడుగు వేయడమే
 నీ  కర్తవ్యమని  తెలుసుకో  మిత్రమా !  

 

 

భావం :
చెట్టు  తన  ఆకులన్నీ రాలి పోయి ఆకాశమంత  అయిన అది మళ్ళి  చిగురిస్తుంది  అదే విధంగానే  నువ్వు  కూడా నీ  కోరికలు , ఆశయాలకు  అపజయాలు  ఎదురైనా  మళ్ళి  ప్రయత్నించాలి ,ఆత్మధైర్యంతో  ముందడుగు  వేయాలి .
       వర్షపు  జల్లల తాకగానే  ఆకులు రాలి అందవికారంగా  ఉన్న చెట్టు  అందంగా  వికసిస్తుంది , సూర్యుని  కాంతిలో  అద్భుతంగా  వెలిగిపోతుంది ,మంచి  సువాసన  ఇచ్చే  పూలతో  , రుచికరమైన  పళ్ళతో  రూపుదాచుకుంటుంది . పచ్చని  చెట్ల  మధ్య  కల్పవృక్షంలా  సంతరించుకుంటుంది .  ఆ విధంగానే  వర్షం  చినుకుల మనిషికి ఆత్మధైర్యం  తోడైతే  మనిషి  తన వివేకంతో  వెలుగుతాడు , మంచి  విజయాలను  పొందుతాడు . తన గుణగణాలతో  సమాజంలో ఓ  ప్రతిష్టాత్మక  స్థానమును  పొంది  వెలుగుతావని   మర్చిపోకు .
నువ్వు  జన్మించాక  ముందే  అమ్మ కడుపులోనే  ప్రారంభమైంది  నీ  జీవితమనే  యుద్ధం . అది కంటికి కనిపించని  కత్తులతో  జరిగే  యుద్ధం .  ముగుంపు  తెలియకుండా  మొదలైంది  ఈ  యుద్ధం  ,  ఎన్నెన్నో  సంఘర్షణల  కలయికే  నీ  జీవితమని  తెలుసుకో .

సుఖం  పొందాలనుకునేవారు  ఎన్నో కష్టాలను  ఎదుర్కోవాల్సి  వస్తుంది . సంతోషం  పొందాలనుకునేవారు  ప్రతి  క్షణం  శాంతిని  పొందుతారు . కానీ నీ  కుటుంబం  సుఖం అందించాలనుకునే  నీ  లాంటివారు  కాలం  కలిగించే  కష్టాలతో,ఎన్నో  సంఘర్షణలతో   పోరాడాల్సివస్తుంది . పోరడు పోరాడితే గెలిచేది  నువ్వే  ,రేపన్నది  నిలిచేది నువ్వేనని  మర్చిపోకు .
భగవంతుడు  ఆడుతున్న  ఈ  ఆటలో కాలమనే  ప్రత్యర్థిని  ఎదుర్కోడానికి అయన ప్రసాదించిన  ఆయుధమే  చదువని తెలుసుకో.
చీకటిలో  దీపం  వెలుగును పంచినట్లు  నువ్వు  నీ అమోఘమైన  నీ  ప్రతిభతో  నీ  కుటుంబంను  సంతోషాలవైపు  నడిపించు .
  
ఆకాశంలో  నక్షత్రంలా  ఉండాలని  అనుకోకు  , నీ  చుట్టునున్న  వారి  మనసులో  స్థానమును  సంపాదించుకో  ఆ  స్థానమే  నిన్ను  ఆకాశంలో చల్లని  చంద్రునిలా  మారుస్తాయని  తెలుసుకో
నల్లని  మేఘాలు ఎంత  కమ్ముకున్న  సూర్యుని  వెలుగును  ఆపలేవు  ఆ విధంగానే  నీ  ప్రతిభను  ఎవ్వరికి  సాటిరాదని  తెలుసుకో

ఏ  విధంగా  నది  తనమార్గంలోని  అడ్డొచ్చిన  మేరుపర్వతాలను సైతం  పెకలించి  ప్రవహిస్తుందో ,ఆ విధంగా  నువ్వు నీ  సమస్యలను  దూరం  చేసుకోవాలి .  గఢాంధకారం కమ్ముకున్న   వెలుగును  వెతుక్కోవచ్చు ., అలాగే  ఎంత పెద్ద సమస్యలు  ఎదురైనా  పరిష్కారాలను  కనుగొనవచ్చని  మర్చిపోకు .

ఏ విధంగా నదికి  తన ప్రవాహంలోని  వేగమే  తన  గుర్తింపు ,సూర్యునికి  తన  వెలుగే   తన  గుర్తింపు , పువ్వులకు  తమ  పరిమళమే  తమ  గుర్తింపు , ఆ విధంగానే  నీకు  నీ జ్ఞానమే  నీ  గుర్తింపని  మర్చిపోకు .

మన  జీవితంలో  ఓ విలువైన  ఏదైనా  దూరమైతే  , అంతకు  రెండింతల  విలువైనది  పొందుతావని  తెలుసుకో .

నీకు ఎదురైన  అపజయాన్ని  చూసి  కంటతడి పెట్టుకోకు , అందుకు  కారమైన  వాటిని  తెలుసుకో , ఈ  అపజయం  నేర్పిన  పాఠంతో  ముందడుగు వేయడమే  నీ  కర్తవ్యమని  తెలుసుకో  మిత్రమా !